Кеше ҚР Парламенті Мәжілісінің депутаты Хитуов Тарас Киікбайұлы Түпқараған ауданына іссапармен барды, - деп хабарлайды mangystaumedia.kz сайты Түпқараған ауданы әкімдігінің баспасөз қызметіне сілтеме жасап.
Түпқараған ауданы әкімдігінде өткен кездесу барысында Тарас Киікбайұлы ҚР кейбір заңнамалық актілеріне өзгерістер мен толықтырулар енгізілгенін, оның ішінде мемлекеттік қызметшілердің санын қысқарту, одан үнемделген қаржыны қызметшілерді ынталандыру мақсатына пайдалану қарастырылғанын тілге тиек етті.
Заңсыз балық аулау мен мал ұрлығына заңның күшейгенін, қоғамдық тәртіпке көп көңіл бөлініп жатқанын айтып өткен Тарас Киікбайұлы бірнеше заңдағы өзгерістер, атқарылған іс-жоспарлар жайын баяндады. Сонымен қатар, Түпқараған аудандық мәслихатының депутаты Амантай Нәбиев С.Шапағатов ауылындағы 6 орамның жаңа жер телімдеріне газ тарту құрылысына республикалық бюджеттен қаржыландыру мәселесін жеделдетуге қолдау сұрады.
Тарас Киікбайұлы одан бөлек аудандық орталық аурухана мен Түпқараған аудандық су жүйесі ММ тарапынан қойылған ұсыныстар мен сұрақтарға тиісті жауап беріп, ескерілетіндігін айтты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
