Қарақия ауданында жарық шамдары ауыстырылып жатыр

Бостан ауылдық округінде жарық шамдарын ауыстыру жұмыстары жүргізілуде, деп хабарлайды mangystaumedia.kz аудан әкімдігінің баспасөз қызметіне сілтеме жасап.

Қарақия ауданында «Ауыл-Ел бесігі» мемлекеттік бағдарламасы аясында Бостан ауылдық округінде ескі көше шамдарын, энергия үнемдегіш лэд жарық шамдарына ауыстыру жұмыстары басталды.

Мұндағы мақсат – көшедегі қауіпсіздікті қамтамасыз ету болып отыр. Екі жүзге жуық жанбай тұрған, іске асудан қалған ескі жарық шамдары ауыстырылып, тұрғындар игілігіне қызмет етеді.

- Жарық - ол әуелі түнгі мезгілде тұрғындардың қауіпсіздігі үшін маңызды. Кешкі мезгілде ауылымыз жап-жарық болып тұратыны анық. Бұйырса ауылішілік жолда жөндеуден өтеді. Елдің игілігі үшін жасалып жатқан жұмыстарға ризамыз», - дейді ауыл тұрғыны.

Айта кетейік, жарықтандыру жұмыстарын жоспарға сәйкес мамыр айында аяқталмақ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.