ҚР Президенті Қасым-Жомарт Тоқаевтың Қазақстан халқына Жолдауында: "Біз ерекше қажеттіліктері бар адамдар үшін бірдей мүмкіндік жасауға міндеттіміз" деген болатын.
Жолдау жүктеген міндетті жүзеге асыру және 2019 жылғы бұл бағытта атқарылған жұмыстарға қорытынды жасап, ары қарай нығайту мақсатында бүгін Қарақия ауданы әкімдігінде Маңғыстау облысы әкімінің кеңесшісі В.Трифоновтың қатысуымен жиын өтті. Жиынды аудан әкімінің әлеуметтік мәселелер бойынша орынбасары Бауыржан Тұяқов жүргізіп, дербес бөлім, мекеме басшылары, әлеуметтік сала мамандары қатысты.
Аймақ басшысының кеңесшісі мүмкіндігі шектеулі жандармен және өкілетті органдардың өкілдерімен мүгедектердің құқықтарын қамтамасыз етуді жүзеге асыру және олардың өмір сүру сапасын арттыруға байланысты атқарылған жұмыстардың есебін тыңдап, сұрақтарға жауап берді.
Сондай-ақ В.Тифонов және Б.Тұяқов ауданға қарасты мүгедектер қоғамы және мүмкіндігі шектеулі жандармен кездесу өткізіп, олардың мұң-мұқтажын тыңдады. Мүмкіндігі шектеулі жандардың құқықтарын қамтамасыз етуді ақпараттандырып, кеңінен насихаттау туралы БАҚ және тиісті сала мамандарына ұсыныс білдірді.
Шынар Кендін
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
