Қарақия ауданында коронавирус инфекциясы таралуының алдын алу және аудан тұрғындарының өмірі мен денсаулығын қорғау мақсатында Құрық, Жетібай және Мұнайшы ауылдарына кіреберіс жол бойына санитарлық (ақпараттық, есепке алу) посттары қойылды. Бұл туралы mangystaumedia.kz сайты Қарақия ауданы әкімінің баспасөз қызметіне сілтеме жасап хабарлайды.
Кеше кешкі сағат 19:00-ден бастап полиция бөлімінің және әкімдіктің қызметкерлері ауылдарға кіретін барлық автокөліктерді тоқтатып, сырттан келе жатқан жолаушыларды есепке алып, түсіндірме жұмыстарын жүргізіп жатыр.
Айта кетейік, бұл жолды жабу емес, қаіптің алдын алу үшін ауылға кірген көліктер мен адамдарды есепке алу, сақтық шарасы.
Кешеден бастап аудан, ауыл әкімдігі мен полиция бөлімінің қызметкерлері санитарлық бекетте 24 сағат кезекшілікке шығатын болады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
