Құрық ауылында орналасқан мүмкіндігі шектеулі жандарға арналған «Жігер» спорт клубына «Оғланды-Бекет ата» қоры қолдау көрсетті. Фитнес орталыққа спорттық құрал-жабдықтар табыстады. Бұл туралы Қарақия аудандық мәдениет және спорт бөлімінің басшысы Дүйсенбай Атағараев мәлімдеді.
«Оның ішінде 1 дана кешенді жаттығу құралы, 1 дана қолға арналған жаттығу құралы, 2 дана аяқты жаттықтыру құралы, 3 дана жаттығу велосипеді, 3 дана аяққа арналған степр, үстел теннисіне арналған құрал жабдықтар, спорттық киімдер секілді спорттық құралдар берілді», - деді Дүйсенбай Атағараев.
Қарақия аудандық мәдениет және спорт бөлімігің мамандары істің басы-қасында жүріп, демеушілік көрсеткен «Оғланды-Бекет ата» қорының директоры Тұрғанбай Сәулеұлы қажыға өз алғыстарын жеткізді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
