Ақтау қаласының әкімі Нұрдәулет Қилыбай «Шығыс-3» тұрғындарымен кездесті

Ақтау қаласының әкімі Нұрдәулет Қилыбай «Шығыс-3» шағынаудан тұрғындарынан құралған ынталы топпен кездесті. Кездесу барысында тұрғындар көкейде жүрген сұрақтарын қойып, шағынауданда әлі күнге дейін шешілмей жүрген бірнеше мәселелерді айтты.

Қазіргі таңда тұрғындарды шағынаудандағы инженерлік желілер мәселесі толғандырып жүр. Осы ретте «Көлсай» ЖШС шағынаудан бойынша су, кәріз және телефон желілерін жүргізіп жатыр.

Ақтау қаласы әкімдігі баспасөз қызметінің айтуынша, толық жұмыстар тамыз айының аяғына дейін аяқталады деп жоспарланып отыр. Одан бөлек 1 600-ге жуық тұрғыны бар шағынаудан үшін мектеп, балалар ойын және спорт алаңдарының салыну керек екендігі айтылды. Қала әкімі жаңа оқу ғимаратына жер уческесін бөлуді қарастыру үшін тиісті бөлім басшысына тапсырма берді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.