Бұл туралы Қарақия ауданы әкімінің баспасөз қызметі хабарлайды.
Қарақияда бірқатар мекемелер ерікті түрде маска тігіп жатыр. Ал, әкімдік тарапы оларды қажетті материалмен қамтып, масканы мұқтаж жандарға тегін таратып беруде.
Бүгін аудан әкімі Қыдырберді Беков сын сағатта елмен бірге болып, мұқтаждарға қол көмегін көрсеткендері үшін, ерікті тігіншілерге алғыс білдірді. Қарақия кәсіптік колледжі бүгін түске дейін 200 маска тігіп үлгерсе, Құлыншақ, Айназ балабақшалары да белсене атсалысуда.
Бұдан соң аудан басшысы бірқатар нысандарды аралап, төтенше жағдай мен санитарлық-карантиндік талаптарды күшейтіп, азық-түлік бағасын бақылауда ұстау жөнінде нақты тапсырмалар берді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
