Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Әлеуметтік желілерде Ақтауда көптеген адамның облыстағы қатаң шектеулерге қарамастан көп қазаққа ана болған Бибіжамал Аблазимованы соңғы сапарға шығарып салу рәсіме келгені кеңінен таралды. Жерлеу рәсіміне жаппай жиналу фактісіне байланысты ІІМ қызметтік тергеу амалдарын жүргізіп жатқанын хабарлады. Сонымен қатар, азаматарға айыппұлдың салынғаны да айтылды. Әрине, тәртіп сақтаған дұрыс.
Алайда Бибіжамал апа өзінің 10 баласының анасы ғана емес, сонымен қатар еліміздегі көптеген адамдар үшін де өзінің аналық қамқорлығын көрсетті. Сондықтан апамыздың қамқорлығын көрген, мейіріміне сусындаған әр азамат апаны соңғы сапарға шығарып салуға барғанды жөн көрген болар.
Отбасы мүшелері де барынша «жерлеу және еске алу түскі астарын шағын отбасылық шеңберде өткізуді жоспарлағанын, індетке байланысты туыстарынан үйге келуден бас тартуды сұрадық» дегенін де айтты.
Осылайша ұл-қыздары, немере-шөберелері қайырымдылығымен елге əйгілі болған ардақты Аналарын (әжелерін) бақилық мекеніне өз жолымен шығарып салды... Алыс-жақыннан ел жиналды, тіпті аналық қайырымын көрген кешегі жетім балалар да намазға келді...
Елге қадірлі болған марқұм апамыздың артынан әлеуметтік желі арқылы жел-сөзді көбейтпеген дұрыс деп санаймын. Сондықтан артық сөз айтудан аулақ болайық.
Сонымен қатар ІІМ, полиция тарапынан азаматтарымыздың үстінен бұдан әрі іс қозғамай, осы жерден тоқтатқан дұрыс болар деп ойлаймын. Апамыздың иманы салауат болсын!
«Маңғыстау Медиа» ЖШС директоры А. Дутбаева
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.