Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Жаңаөзен қаласында балалар мен жасөспірімдер спорт мектебіне келушілер саны артты. Спортшылар саны - 38 732. Бұл туралы Жаңаөзен қалалық дене шынықтыру және спорт бөлімінің басшысы Жаңабай Аймағанбетов мәлім етті.
Оның айтуынша, ұлттық спорт түрін кеңінен насихаттау мақсатында 2021 жылы тоғызқұмалақ, садақ ату, жамбы ату, ат спорты және төбет иттер үйірмелерін қамтитын спорт мектебін ашу жоспарланып отыр.
«Биылғы пандемияға байланысты наурыз айынан бастап барлық жарыс онлайн түрде өткізіліп келеді. Соның бірі 1 маусым - «Балаларды қорғау күні» мерекесіне орай өткізілген тоғызқұмалақтан онлайн жарысы. Оған елуден аса қала тұрғындары қатысып, ұлттық спорт ойындарының одан әрі дәріптелуіне үлестерін қосты», деді Жаңабай Аймағанбетов.
Ат спортын дамыту үшін Құландыдағы ипподромды сенімгерлікпен жалға алып отырған қоғамдық бірлестіктер де өз үлесін қосуда. Кешенде атты бағып-баптаумен 200 адам айналысады. Ал асыл тұқымды иттерді асырап, бағумен айналысушылар саны 50-ден асып отыр.
«Жүйелі жұмыстарды жоспарлы түрде іске асырып, халықты жаппай ұлттық спортпен шұғылдануға шақырамыз. Болашағымыз жастардың қолында», деді Жаңабай Аймағанбетов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.