Қарақия ауданының бөлім басшылары мен ауыл әкімдері ҚР СТ ISO 21500-2014 "Жобаларды басқару жөніндегі нұсқаулық" ұлттық стандарты бойынша маусым айында оқыған болатын.
Президенті жанындағы Мемлекеттік басқару Академиясының Маңғыстау облыстық филиалы ұйымдастырған бұл семинарда тыңдаушылар жобалық басқарудың артықшылықтары, халықаралық стандарттар және жобалық басқарудың негізгі ұғымдары мен ISO 21500-2014 жобаны басқарудағы үдерістер мен пәндік топтар бойынша оқып, сертификаттаудан өткізілген.
Бүгін аталған филиалдың директоры, философия ғылымдарының докторы, профессор А. Демеуова ауданымызға келіп, оқуды сәтті аяқтаған бір топ мемлекеттік қызметшіге біліктілік сертификатын табыстап, құттықтады.
Сондай-ақ Айгүл Амангелдіқызы бұл оқудың өңірде алғашқы болып осы ауданында өтуіне, мемлекеттік қызметшілер мен ауыл әкімдерінің толықтай қамтылуына атсалысқан аудан әкімі Қ. Бековке алғысын білдірді.
Шынар Кендiн
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
