Алдағы міндеттерді айқындап берді

Мемлекет басшысының Қазақстан халқына Жолдауы алдағы бағыт-бағдарымызды айқындап берді.

Әсіресе халықтың көңілінде жүрген, жұртты толғандырған барлық мәселеге жауап айтылды деп ойлаймын.

Президенттің 2022 жылғы 1 қаңтардан бастап ең төменгі жалақыны қазіргі 42,5 мың теңгеден 60 мың теңгеге дейін көтеру туралы шешімі мыңдаған тұрғынға қуаныш сыйлады. «Астрахань-Маңғыстау» магистралды су құбыры жаңғыртылып, Кендірлі жерінде су тұщытатын жаңа зауыт салынатын болғаны – Қарақия ауданы үшін де зор мүмкіндік. Бұл жоба – Жетібай, Мұнайшы ауылдары мен ауыл шаруашылығын сумен қамтуды толық шешетін болады. Сондай-ақ Президент ветеринария саласын жетілдіру қажеттігін айтты. Мұның барлығы өңірдегі қуаңшылықтан зардап шеккен шаруаларға оң әсерін берері сөзсіз.

Отандық ІТ-секторын дамытудың маңыздылығы мен цифрландыру жөніндегі ұлттық жобаға баса мән берді.

Сондай-ақ Мемлекет басшысы вакцинация мәселесіне ерекше тоқталды. Отандық вакцинамыздың тиімді әрі қауіпсіз екенін айтты.

Жолдауда айтылған әр сөз – біздің алдағы атқаратын істеріміздің бағыты. Сондықтан барша жерлестерімді Жолдауға қолдау білдіруге, биік белестерді бірге бағындыруға шақырамын!

Қ.БЕКОВ,
Қарақия ауданының әкімі

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.