Рейд: Қарақияда жыл басынан бері 9 заңбұзушылық анықталды

Қарақия ауданында жыл басынан бері 261 рейд ұйымдастырылды. Мониторингтік топ 1 151 кәсіпкерлік және жеке тұрғын үйді аралады. 9 заң бұзушылықты анықтап, хаттамалар толтырылды. Бұл туралы қоғамдық коммуникация орталығында өткен брифингте аудан әкімі Қыдырберді Беков айтты, - деп хабарлайды mangystaumedia.kz сайты.

Осылайша 2 азаматқа 43 755 теңгеден 87 510 теңге айыппұл салынды.

Ал 1 шілдеден бастап 49 рейд ұйымдастырылды. 94 кәсіпкерлік нысанды тексерілді. Жетібай ауылында ұйымдастырылған рейд нәтижесінде, 23-31 шілде күндері 2 той және 5 садақа тоқтатылып, тұрғындарға түсіндіру жұмыстары жүргізілді.

Аудан бойынша «Ashyq» жобасына тіркеліп, жұмыс істеп отырған 37 нысан бар. Олар - мемлекеттік мекемелер мен кәсіпкерлік субъектілері, алдағы уақытта басқа да нысандардың осы жобаға тіркелу керектігін ескерту жұмыстары жалғасуда.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.