© Сурет архивтен
Қарақия ауданына қарасты Сенек ауылына жылжымалы медициналық кешен келді. Бұл туралы Қарақия ауданы әкімдігінің баспасөз қызметі хабарлайды, - деп хабарлайды mangystaumedia.kz сайты.
Кешенде флюрография, ЭКГ, рентген, УДЗ мен қан зертханасы орнатылған.
«Аудан орталығынан шалғай орналасқан ауылдардың тұрғындарына, Сенек, Бостан, Құланды ауылдарында қызмет көрсету мақсатында іссапарға шықтық. Бекітілген кестеге сәйкес 6-11 ақпан күндері Бостан ауылында, ал ақпанның 12 жұлдызында Құланды ауылында ауыл тұрғындарына медициналық қызметтер көрсетіледі. 9 адамнан тұратын делегация құрамында рентгенолог, кардиолог, гинеколог, окулист, хирург, лор дәрігерлері және 1 лаборант, 1 медбике, 2 жүргізуші бар»,- деді Қарақия аудандық емхана директорының орынбасары Бибігүл Дюсенова.
Естеріңізге сала кетейік, 7 ақпан күні жылжымалы медициналық кешен Құрық ауылынан 7 шақырым жерде орналасқан «Маңғыстау жері» елді мекенінде қызмет көрсеткен болатын.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
