Қарақиялық оқушы «Қазақстанның болашағы» кітабына енді

Жетібай ауылындағы мектептің 8 сынып оқушысы Алтынжан Тұрарбек «Қазақстанның болашағы» кітабына енді. Бұл туралы 8 орта мектептің директоры Сара Турабаева мәлім етті.

«Алтынжан ерекше қабілетті және дарынды оқушы. Оның бойындағы алғырлығы мен құштарлығын байқаған сынып жетекшісі Жадыра Құлжанова бірнеше білім сайыстарына бағыттады», - деді Сара Турабаева.

Айта кетейік, бұл энциклопедиялық кітапта Қазақстан бойынша дарынды оқушылардың жетістіктері баян етіледі. Алтынжанның жетекшісі Жадыра Құлжанованың айтуынша, білімімен оза шапқан жас өрен мектеп атын танытып, өңір намысын қорғап талай белестерді бағындырып жүр. Мәселен, аудандық «Мағжан оқулары», «Мұқағали оқулары» байқауынан бас жүлдені, өзін-өзі тану пәнінен өткен республикалық олимпиаданың облыстық кезеңінен 2-орын, «Бейнелеу өнері» сайыстары бойынша облыста жүлделі орындарды иеленіп жүр. «Қазақстанның болашағы» кітабында жеткіншектерді Мәңгілік ел, жасампаз Қазақстанның мақтаныштарына теңеген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.