26 сәуірден бастап қоғамдық тамақтану орындарында «Аshyq» мобильді қосымшасы іске қосылады

Маңғыстау облысы Кәсіпкерлік және сауда басқармасы басшысының орынбасары Мұқанбетжан Көбегеннің қатысуымен «Аshyq» мобильді қосымшасын енгізу бойынша қоғамдық тамақтану орындарына мониторинг жүргізілді, деп хабарлайды mangystaumedia.kz сайты облыс әкімінің баспасөз қызметіне сілтеме жасап.

Мобильді қосымшаның артықшылығы коронавирустық инфекцияның кәсіпкерлік субъектілерінде таралу қаупін төмендетуге бағытталған. Мониторинг барысында «Fistashka», «Ali Baba», «Barashka» кафесіне тексеріс жүргізілді. Мамандардың айтуынша 26 сәуірден бастап өңір бойынша қоғамдық тамақтану орындарына «Ashyq» мобильді қосымшасы толықтай іске қосылады.

«Келуші телефонына «Ashyq» мобильді қосымшасын жүктеп, телефон нөмірімен тіркеп, ЖСН енгізіп, мекеменің QR-кодын сканерлеу қажет. Сондай-ақ, шығу кезінде де QR кодын сканерлеу керек. Ол адамның індетті жұқтырғандығын немесе жұқтырмағандығын көрсетеді. QR коды тек кәсіпкерлік субъектісіне ғана беріледі. Жобаға қатысатын кәсіпкерлер өздерінің QR-кодтарын InfoKazakhstan.kz платформасы арқылы ала алады. QR-код жалпы 4 мәртебені көрсетеді: жасыл, көк, сары және қызыл», - деді Маңғыстау облысы сауда және кәсіпкерлік басқармасы басшысының орынбасары Мұқанбетжан Көбеген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.