Мұнайлы ауданының өнерпаздары халықаралық байқауда жеңімпаз атанды

Халықаралық “DANCE BATTLЕ” би байқауында Мұнайлы ауданының “Қыздәурен” би ансамблі топ жарып, 1-орына ие болды, деп хабарлайды mangystaumedia.kz.

Айтулы өнер бәсекесі Шымкент қаласында өтіп, оған ТМД елдері аумағынан әр түрлі жастағы 70-тен аса өнерпаз қатысқан. Аталған сында Маңғыстау облысынан барған Фариза Оңғарсынова атындағы аудандық орталық мәдениет үйінің “Қыздәурен” би тобы қазақ және өзбек биін ұсынды.

«8-12 жас аралығындағы қыздарымыз Шымкентте өнер көрсетті. Жалпы Маңғытау өңірінен барған 11 биші сынға түсті. Байқау шартына сәйкес, қазақ және өзбек халқының ұлттық биін ұсындық. Жүзден жүйрік атанып, 1-ші орынды иеленген ұжымды құттықтаймын. Әлі де биік белесті бағындырады деген бек сенімдемін, - деді мәдениет үйінің директоры Ақмарал Нәрембаева.

Байқау нәтижесі бойынша жерлестерімізге қаржылай сыйлық пен Алғыс хат табысталған. Өнер ұжымы алда шеберліктерін шыңда түсіп, көптеген конкурстарда бақ сынауды көздеп отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.