Мұнайлы ауданында сайлаушылар қатары үзілген жоқ

Мұнайлы ауданында сайлаушылар белсенді болып, сағат кешкі 6-ға дейін 45 мыңнан астам адам өз таңдауын жасады.

Аудан бойынша 41 сайлау учаскесі бар. Мұнайлы ауданында жергілікті уақытпен таңғы сағат 07:00-де Мемлекеттік Әнұранның шырқалуымен сайлау учаскелері өз жұмысын бастады.

Мұнайлы аудандық сайлау комиссиясы төрағасының орынбасары Зәуреш Нұрболаттың айтуынша, сайлау барысында заң бұзушылық орын алмаған.

⁃ Сайлау қарқынды жүріп жатыр. Халық әлі толастар емес. Учаскелерде ешқандай заңбұзушылық орын алмады. Сайлау тыныш өтіп жатыр,- деді Зәуреш Нұрболат.

Әр учаске талапқа сай қажетті материалдармен қамтамасыз етіліп, мүмкіндігі шектеулі жандар үшін де барлық жағдай жасалған. Жалпы, аудан бойынша 85 мыңға жуық сайлаушы тіркелген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.