Мұнайлы тұрғыны түйеқұс бағады

© Сайт архивінен

Мұнайлы ауданы тұрғыны Батыр ауылдық округіндегі фермада түйеқұс асырайды. Бұл туралы mangystaumedia.kz сайты аудан әкімдігінің баспасөз қызметіне сілтеме жасап хабарлайды.

Ферма ашылғанына үш жыл болған. Жалпы алаңы 800 шаршы метрді құрайтын шаруашылықта 5 000-ға жуық құс бар. Оның 30-ға жуығы түйеқұс.

«Бес түйеқұсты 400 мың теңгеге Ресейден сатып алдық, инкубатор арқылы көбейтіп жатырмыз. Түйеқұс балапан күтімді қатты қажет етеді. Қазір 60-қа жуық балапан өсірдік. Оның 10-ға жуығын сатылымға шығардық. Олардың әрқайсысының салмағы 150 келі, бойы 2 метрге дейін өседі. Құстың бұл түрін тамашалауға көктем, жаз мезгілінде ересектер мен балалар көптеп келеді», - деді ферманың негізін қалаушы Есен Боранбаев.

Кәсіпкер Мұнайлы ауданының 15 тұрғынын тұрақты жұмыспен қамтып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.