Зеректікке баулыған шара
[ 2019 ] 6 мамыр, 06:54 | Аудан тынысы
Бейнеу кітапханасы ұжымы 7 мамыр - Отан қорғаушылар күніне арнап "Жас ұландар - мақтанышы елімнің" тақырыбында оқушылар арасында атты квест ойынын өткізді.
Кітапханашылар сайысқа қатысушыларды мерекесімен құттықтап, сәттілік тіледі.
Оқырмандарды жан-жақтылыққа, шапшаңдық пен шығармашылыққа баулитын, топпен жұмыс істеу барысында ұйымшылдықтарын дамытып тәрбиелеу, таным ерекшеліктерін арттыру мақсатында өткен шараға Сам орта мектебінің 9 сынып оқушыларынан құралған «Жас қырандар» және «Жас ұландар» тобы сайысқа белсене қатысып, білімдерін жоғары деңгейде көрсете білді.
Оқушылар берілген әр түрлі сынақтардан өтіп, жұмбақтарды шешіп, белгіленген санаулы уақыт ішінде ойын тапсырмаларын орындады.
Жарыс нәтижесінде «Жас қырандар тобы» артылған міндет пен жауапкершілікті алғырлықпен жылдам орындап, ойын жеңімпазы атанды.
Екі команда қатысушыларына да ұжым атынан естелік сыйлық берілді.
Үміт ҚАЗДАЕВА
960
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
