WorldSkills: бір топ бейнеулік студент республикалық кезеңге жолдама алды

Ақтау қаласында жұмысшы мамандығын дәріптеу, жұмысшы мамандығының танымдылығын және қоғамдағы беделін арттырып, өндіріс орындарындағы жас мамандардың, мектеп оқушыларының, студенттердің, ата-аналардың және бизнес өкілдерінің жұмысшы мамандығына қызығушылығын арттыру мақсатында WorldSkills Kazakhstan кәсіптік шеберлігінің республикалық чемпионатының WorldSkills Aktau-2019 өңірлік кезеңі өткізілді. 37 құзыреттілік бойынша 23 колледжден 251 студент қатысып, бақ сынаған өңірлік чемпионатта бейнеулік студенттер де жеңіс тұғырынан көрінді. Атап айтар болсақ, «IT желісін жүйелі басқару» құзыреттілігі бойынша Сүндет Баянов, «Инженерлық графика CAD» құзыреттілігі бойынша Нұрасыл Мұханғалиев, «Прототиптеу» құзыреттілігі бойынша Хамит Мучиркинаев, «Ұялы робототехника» құзыреттілігі бойынша Жасұлан Демовов және Нұрлыбек Абдуллаев, «Компьютерлік ойындар мен мультимедиялық қосымшаларды дамыту» құзыреттілігінен Нұржан Өмірхан І орынға ие болып, «Алтын медаль» иегері атанды. Сонымен қатар «Бейне өндірісі» құзыреттілігі бойынша Айгүл Жарылқасинова, «Сигналдау, орталықтандыру, блоктау және автоматика жабдықтарын жөндеу, қызмет көрсету» құзыреттілігі бойынша Рахат Жұмағалиев, «Графикалық дизайн» құзыреттілігі бойынша Есбол Сапарбаев, «Инженерлық графика CAD» құзыреттілігінен Әділет Бақыт, «Прототиптеу» құзыреттілігінен Бекарыс Жұмабаев, «Ұялы робототехника» құзыреттілігі бойынша Ерсұлтан Баубеков пен Рахымбек Шығырбаев жүлделі екінші орынды иеленді. «IT желісін жүйелі басқару» құзыреттілігі бойынша Сырым Жайлауов, «Прототиптеу» құзыреттілігі бойынша Гүлнұр Хабултаева, «Бизнеске арналған IT – бағдарламалық қамтамасыз ету» құзыреттілігінен Саян Қуатбаев, «Ұялы робототехника» құзыреттілігі бойынша Мирас Артыков және Диас Әлімбеков, «Наубайшы ісі» құзыреттілігі бойынша Гүлмира Нұрлекеева, «Сигналдау, орталықтандыру, блоктау және автоматика жабдықтарын жөндеу, қызмет көрсету» құзыреттілігі бойынша Қасым Оразбаев, «Ақпараттық кабельдік желілер» құзыреттілігі бойынша Ержан Оңғарбаев және «Дене тәрбиесі және спорт» құзыреттілігі бойынша Бейнеу гуманитарлық-экономикалық колледжінің студенті Аян Кәдірбаев сынды бейнеулік студенттер қола медаль иегері атанды. Сондай-ақ чемпионатта өз құзыреттілігі бойынша бақ сынап, ерекше көзге түсіп, үздік нәтижеге қол жеткізген «Электромонтаждық жұмыстар» құзыреттілігі бойынша  Арман Муханбетов, «Жеңіл автомобильге қызмет көрсету, жөндеу» құзыреттілігі бойынша Есенбек Ермуханов және «Бизнеске арналған IT-бағдарламалық қамтамасыз ету» құзыреттілігі бойынша Нұрбол Илясов медальонмен марапатталды. «WorldSkills Kazakhstan» чемпионатында алтын медальға ие болған студенттер алдағы уақытта өтетін республикалық кезеңде Маңғыстау облысы атынан бақ сынайды. Чемпионатқа дайындаған жетекшілеріне алғыс білдіре отырып, жеңіс тұғырынан көрінген студенттерге сәттілік тілейміз.

Үміт ҚАЗДАЕВА