«Жас тұлпар-2019» облыстық жастар премиясы табысталды
[ 2019 ] 19 желтоқсан, 10:39 | Жастар беті
Бүгін, 19 желтоқсан күні Маңғыстау облысының жастар ресурстық орталығының ұйымдастыруымен дәстүрлі «Жас тұлпар-2019» облыстық жастар премиясының иегерлері анықталды, - деп хабарлайды mangystaumedia.kz сайты.
Өңірдегі мемлекеттік жастар саясаты саласының дамуына үлес қосып, сантүрлі саланың тізгінін ұстаған жастарды ынталандыру мақсатында өткен салтанатты жиынға Қазақстан Республикасы Премьер-Министрінің орынбасары Бердібек Сапарбаев пен Маңғыстау облысы әкімінің орынбасары Қаныбек Жұмашев қатысты.
Салтанатты шара барысында Премьер-Министрдің орынбасары Бердібек Сапарбаев жастарға арналған мемлекеттік бағдарламалардың тиімділігін сөз ете отырып, маңғыстаулық жастарға ыстық ықыласын жеткізді.
Ал үздік жастарға дәстүрлі «Жас тұлпар-2019» Маңғыстау облыстық жастар премиясы табысталды.
[gallery td_select_gallery_slide="slide" ids="90113,90112,90114,90115"]
«Маңғыстау мақтанышы» арнайы номинациясымен танымал қазақ эстрадасының жас әншісі, «Қазақстан дауысы» жобасының жеңімпазы
Бауыржан Ретбаев, композитор
Асылбек Құрманов, дәстүрлі әнші
Нұрым Асқанов, ақын
Т.Әли сонымен қатар
«Боранқұл» жайдарман тобы және
«Өзенмұнайгаз» құрамасы марапатталды.
«Жомарт жүрек» номинациясына қатерлі ісік ауруына шалдыққан балаларға арналған қайырымдылық шараларын ұйымдастырушы Ерлан Ерубаев,
«Бейбіт кезең батыры» номинациясына Ақтау қаласында 10 қабаттан секірмекші болған әйел адамды, сонымен қоса Каспий теңізінде өзіне қол жұмсағысы келген қызды құтқарып қалған
Тимур Жұмалиев лайық деп танылды.
[gallery td_select_gallery_slide="slide" ids="90108,90109,90110,90107,90105,90106"]
«Жас тұлпар-2019» Маңғыстау облыстық жастар премиясының конкурстық комиссиясының шешімімен:
«Үздік жас спортшы» номинациясы – Жұбатқан Нұрсұлтан Манарбекұлы;
«Мұнай саласының үздік жас маманы» номинациясы - Ещанов Ерболат Мырзагелдіұлы;
«Үздік жас журналист» номинациясы - Мереке Үсембайұлы Мусаев;
«Үздік волонтер» номинациясы - Тайжанов Нұрлығасыр Жанабайұлы;
«Жас ақын» номинациясы – Дүйсенов Еділбек Медетұлы;
«Жас дарын» номинациясы – Масжанов Серіжан Серікұлы;
«Жас өнертапқыш» номинациясы - Қуанова Айнұр Айсақызы;
«Жас көшбасшы» номинациясы – Құрманғалиев Ғани Дәулеткерейұлы
марапатталды.
Естеріңізге сала кетейік, өңірде «Жас тұлпар» Маңғыстау облыстық жастар премиясын табыстау шарасы 2010 жылдан бері дәстүрлі түрде ұйымдастырылып келеді.
Жұлдызай ҚАЛИЕВА
Суреттерді түсірген Талант ҚҰСАЙЫН
1713
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
