«Сиқырлы Маңғыстау» фотоконкурсы басталды

Аймақта «Сиқырлы Маңғыстау» атты фотоконкурс ұйымдастырылып жатыр. Байқауға 18 жасқа дейінгі азаматтар қатыса алады. Фотосуреттер 31 наурызға дейін қабылданады, - деп хабарлайды mangystaumedia.kz сайты.

Фотоконкурсқа қатысушылар «Туризм», «Маңғыстау табиғаты», «Маңғыстаудағы жануарлар әлемі», «Мен туған ауыл (немесе қала)» тақырыптары бойынша сурет түсіреді.

Байқаудың негізгі талаптары:

- әр қатысушыдан тек 1 фотосурет қабылданады;

- фотосуретке қатысушының өзі тақырып береді;

- фотосурет ешкімнің авторлық құқығында болмауы тиіс, егер болған жағдайда қатысушы Заң аясында өзі жауап береді;

- фотосурет jpeg форматында болуы тиіс, 2 мб-тан және 2300*3500 пиксельден аспауы керек;

- фотомонтаж, фотоколлаж жасалған, цифрлық өзгертуден өткен суреттер қаралмайды;

- фотосуреттер 2020 жылдың 1 наурызынан 31 наурызына дейін қабылданады. Фотосуреттерді MyMangystau@mail.ru және tourism@mangystau.kz электрондық поштасына жіберуі қажет.

Конкурс нәтижесі 6 сәуір күні жарияланады. 1-орынға Samsung Galaxy A70 ұялы телефоны, 2-орынға Samsung Galaxy A51 ұялы телефоны, 3-орынға Huawei Y9 Prime ұялы телефоны беріледі.

Жұлдызай ҚАЛИЕВА

Суретті түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.