Маңғыстаулық қос боксшы колледж студенттерімен кездесті
[ 2019 ] 27 наурыз, 05:40 | Жастар беті
Ақтау қалалық Бекет ата мешітінің ұйымдастыруымен облыс орталығындағы көлік және коммуникациялар колледжінде студенттермен кездесу болды. Шараға Ақтаудың бас имамы Зиядолла Еміл, бокстан әлем чемпионы, Қазақстан Республикасының еңбек сіңірген спорт шебері Ердос Жаңабергенов, боксшы, «Құрмет» орденінің иегері, Лондон және Рио-де-Жанейро жазғы олимпиадаларының күміс жүлдегері Әділбек Ниязымбетов қатысты. Олар студенттерге білім, спорт және дін тақырыбында ой толғап, өмірлік тәжірибесімен бөлісті.
- Жастарға дұрыс бағыт беру, бос уақыттарын тиімді пайдалануға шақыру, имандылық пен адамгершілікке баулу үшін мұндай кездесулер жиі өткізіледі. Бүгінгі шарада әлемдік спорттың биігін бағындырған қос жерлесімізді үлгі ету арқылы студенттерді білім алуға, салауатты өмір сүруге шақыруды мақсат еттік, - дейді қалалық Бекет ата мешітінің бас имамы Зиядолла Еміл.
Спорт саңлақтары студенттердің түрлі сауалына жауап беріп, өздерінің балалық шақтарын еске алып, жеңіске жетер қиын жолдардың сырын ашты. Жастарды білім алудан, ізденуден және кітап оқудан шаршамауға шақырды. Студенттер де өздерін қызықтырған сұраққа жауап алды.
Валентина ҚОЗЫБАҚОВА
[gallery td_select_gallery_slide="slide" ids="75905,75903,75904"]
943
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
