Сайлау күні маңғыстаулық дзюдошы Еуропа кубогында жүлде алды

Маңғыстаулық дзюдошы Руслан Мусаев Латвия мемлекетінің астанасы Рига қаласында өткен Еуропа кубогында -81 келіде белдесіп, қола жүлде алды, деп хабарлайды mangystaumedia.kz.

Дзюдошы бірінші белдесуде Англия елінің спортшысын таза жеңіспен ұтқан. Екінші сында израилдық дзюдошыдан ұтылып, үшінші, төртінші қанағаттанарлық белдесуде жеңіске жетіп, қола медаль үшін күресуге жолдама алған. Соңғы сында голландиялық спортшыны жартылай жеңіспен ұтқан.

- Енді Руслан Мусаев Анталияда өтетін Гранд Слам жарысына барады. Қолдау білдірген МО спорт басқармасына, МО дзюдо федерациясына, Т. Жолдыбаев атындағы дзюдо орталығына алғыс айтамыз, - деді жаттықтырушы Пернехан Тулепов.

Айта кетейік, бұдан бұрын Руслан Мусаев Болгарияда өткен Еуропа кубогында да қола жүлде алған еді.

Еуропа кубогына 24 мемлекеттің спортшылары белдескен. Ал ҚР ұлттық құрамасы бұл додада 3 алтын, 2 күміс, 2 қола жүлде алып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.