Маңғыстауда еңбек мобильдігінің орталығы құрылды

Биыл 1 шілдеде ҚР Әлеуметтік Кодексінің күшіне енуіне байланысты облыстағы Халықты жұмыспен қамту орталықтары бір мезгілде таратылып, барлық аудан, қалада Еңбек мобильдігі орталығының филиалдары құрылды, деп хабарлайды mangystaumedia.kz Маңғыстау облысының жұмыспен қамтуды үйлестіру және әлеуметтік бағдарламалар басқармасының баспасөз қызметіне сілтеме жасап.

Маңғыстау облысы әкімдігінің 2023 жылғы 13 маусымдағы №75 қаулысымен Маңғыстау облысының жұмыспен қамтуды үйлестіру және әлеуметтік бағдарламалар басқармасының «Маңғыстау облысының еңбек мобильдігі орталығы» коммуналдық мемлекеттік мекемесі құрылды.

Қазақстан Республикасының Еңбек және халықты әлеуметтік қорғау министрлігінің келісімімен орталық директоры қызметіне Айдана Елшібекқызы тағайындалды.

Елшібекқызы Айдана осыған дейін «Ақтау қаласы әкімдігінің халықты жұмыспен қамту орталығы» коммуналдық мемлекеттік мекемесі директоры қызметін атқарған.

Маңғыстау облысының еңбек мобильдігі орталығы өз қызметін қала, аудандардағы филиалдары – Мансап орталықтары арқылы жүзеге асырады.

Мансап орталықтары арқылы азаматтарға келсідей қызмет түрін ұсынады:
- атаулы әлеуметтік көмек;
- әлеуметтік осал топтарға мемлекеттік гранттар беру;
- микрокредит беру бойынша консультациялар;
- кәсіптік оқыту;
- әлеуметтік кәсіптік бағдарлау;
-уақытша жұмыс орындары;
- бос жұмыс орындарын іздеу, жұмысқа орналасуға жәрдемдесу;
- мүгедектігі бар адамдарға арналған арнайы жұмыс орындары;
- жұмыс берушілер үшін жұмыс орындарын субсидиялау.

Мекен-жайы: Ақтау қаласы 24 шағын аудан 15 ғимарат
Әлеуметтік желілерге:
Instagram: ctm_mangystau
Эл.пошта: ctm_mangystau@mail.ru

Маңғыстау облысының еңбек мобильдігі орталығының қала, аудандардағы филиалдары мансап орталықтары туралы мәлімет:

Ақтау қалалық мансап орталығының басшысы - Черкешбаев Нұрсұлтан Орақбайұлы.
Мекен-жайы: Ақтау қаласы 29 ш.а. 24 үй. Телефон - 8 7292 303591

Жаңаөзен қалалық мансап орталығының басшысы - Мыңбаев Нұртаза Абдуллаұлы.
Мекен-жайы: Жаңаөзен қаласы, 3 А ш.а. 25В үй. Телефон - 87293 45 66 00
ozen_centrzan@mail.ru

Түпқараған аудандық мансап орталығының басшысы - Қайнарбаев Махамбет Тарғынұлы.
Мекен-жайы: Форт-Шевченко қаласы,
Б.Маяұлы к.,6 үй, 8 7293 82 83 00

Маңғыстау аудандық мансап орталығы басшысының уақытша міндетін атқарушы Ақчатаева Қарлығаш Жұманазарқызы. Шетпе ауылы,Орталық к.,1 үй, 8 7293 12 23 32

Бейнеу аудандық мансап орталығының басшысы - Жылқыбаев Бердіәлі Нұралыұлы.
Мекен-жайы: Бейнеу ауылы, Д. Тәжіұлы, 8 В үй, 8 7293 22-21-44

Қарақия аудандық мансап орталығының басшысы - Оңайбаев Расул Серікұлы. Құрық ауылы, Уәлиханов к., 15 үй. Телефон - 87293 72 19 89

Мұнайлы аудандық мансап орталығының басшысы - Нұрбаева Ақмарал Дуйсенқызы.
Мекен-жайы: Маңғыстау ауылы, 14 квартал, 30 үй, 8 7292 46 55 20

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.