«Сергек? Жоқ, естімедім»

Ақтаулық жүргізуші көлік нөмірін алып тастап, жылдамдықты асырған. Жол ережесін бұзған азаматтың видеосы әлеуметтік желіде жарияланды, деп хабарлайды mangystaumedia.kz сайты.

- Маған бәрі бір, сергек па? Бәрі бір,- делінген желіде жарияланған видеода.

Осы сөздерден соң көлік иесі нөмірді шешіп, оны камераға анық көрсетеді. Бұдан бөлек видеодағы көлік жүргізушісі қала ішінде белгіленген 60 км/сағ жылдамдықтан асырып, көлік жүргізгенін де байқауға болады.

Бұл оқиға туралы Маңғыстау облысы полиция департаментінің айтуынша, видеодағы көлік жүргізушісінің жеке басы анықталып, тиісті шара қолданылды.

- Патрульдік полиция батальоны қызметкерлерімен жүргізушінің жеке басы анықталды. Мемлекеттік белгісі жоқ күйде көлік құралын басқарғандығы үшін 21 жастағы жүргізушіге ҚР ӘҚБтК 590-бабы 2-бөлігі бойынша әкімшілік хаттама толтырылды,- делінген хабарламада.

Айта кетейік, Ақтауда 1 шілдеден бастап «Сергек» бейнебақылау жүйесі іске қосылған еді. Қала бойынша желілік учаскелерде, қиылыстарда және теміржол өткелдерінде 638 бейнебақылау камерасы бар.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.