Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Жуырда Ақтауда халықаралық «Солтүстік- Оңтүстік» І Көліктік сауда-экспорттық форумы өтті. Форумда өңірімізге келген Көлік министрі Марат Қарабаев автомобиль жолдары комитетіне аталған автожолға орташа және күрделі жөндеу жұмыстарын жүргізу мәселесін шешуді тапсырды, деп хабарлайды mangystaumedia.kz.
Сондай-ақ Көлік министрі Құрық - Жетібай автожолының күрделі жөндеу жұмыстарының барысымен танысты.
Бұған дейін осы жолдың бойындағы Мұнайшы ауылының тұрғындары, қауіпсіздік тұрғысынан айналма автожолды қарастыруды сұраған. Қазіргі уақытта облыстық жол басқармасымен ұзындығы 4 шақырым айналма жолдың жобасы әзірленіп, сараптама қорытындысы алынған. Жоба құны - 1,9 млрд теңгені құрайды. Мәселенің мән-жайына қаныққан министр, аталған жобаны автомобиль жолдары комитеті арқылы жүзеге асыруға болатындығын қаперіне берді. Осылайша, халықтың сұранысынан туындаған жобаның да 2024-2025 жылдары жүзеге асырылатындығы қуантарлық жағдай болды.
Айта кетейік, Марат Қарабаев Жаңаөзен қаласынан Түрікменстан шекарасына дейінгі күре жолды көлікпен жүріп өтті. Сапар барысында алдағы уақытта жалпы ұзындығы 229 шақырымды құрайтын "Жаңаөзен-Кендірлі-Түрікменстан шекарасы" автожолы жөнделетіні айтылды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.