Түпқараған ауданында теңіз суын тұшытатын су құбыры тазарту станциясының құрылысы басталды, деп хабарлайды mangystaumedia.kz.
Аталған жоба іске қосылған соң өнімділігі тәулігіне 5000 м3 көлемінде болмақ. Ал құрылыс жұмыстарын «Толағай-2050» жауапкершілігі шектеулі серіктестігі атқарып жатыр.
Қазіргі уақытта траншея қазылып, құбыр өткізу және резервуарға арнайы орын дайындалу үстінде. Құрылыс толық аяқталға соң қала, ауыл тұрғындары жазда су тапшылығы мәселесін түбегейлі шешеді.
«Ауылда көптеген құрылыс жұмыстары жүріп жатыр. Осының барлығы қала, ауылымыз дамыту үшін атқарылырып жатыр. Бізде жаз мезгіліндегі су тапшылығы бар екені белгілі. Теңіз суын тұщытатын зауыт құрылысы аяқталса Форт-Шевченко қаласы мен Баутин, Аташ ауылдарында су мәселесі шешілетіне сенеміз, - дейді ауыл тұрғындары.
Құрылыс жұмыстары кезеңінде Түпқараған ауданының 25 тұрғыны жұмыспен қамтылды. Олардың ішінен кейбір мамандарды арнайы оқыту да қарастылып отыр. Бұдан бөлек, зауыт құрылысында 13 арнайы техника тартылған.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
