Жол апаты: Зардап шеккен тұрғын ес-түссіз жатыр

Бүгін сағат 07:00 шамасында 11*12*11а*12а шағынаудандарының қиылысында жол-апаты болды. Жол апатынан бір адам зардап шегіп, облыстық ауруханаға жеткізілді, - деп хабарлайды mangystaumedia.kz сайты.

"Nissan Versa" жүргізушісі бағдаршамның қызыл түсінен өтіп кетіп, Lada 21901 көлігімен соқтығысқан. Сондай-ақ ол қатты күшпен "Subaru Forester" көлігімен соқтығысқан.

Оқиға салдарынан бір зардап шегуші облыстық ауруханаға жеткізілді.

Маңғыстау облыстық полиция департаменті баспасөз қызметінің мәлімдеуінше, "Nissan Versa" көлігінің жүргізушісіне қатысты ҚР ӘҚБтК-нің 610-бабы бойынша әкімшілік хаттама толтырылды. Көліктер уақытша айыппұл тұрағына қойылды.

Ал зардап шеккен тұрғын облыстық аурухананың жан сақтау бөлімінде ес-түссіз жатыр.

- Науқастың бас миына қан құйылған, бірнеше қабырғасы сынған. Қазір жағдайы - өте ауыр. Алған жарақатына байланысты реанимация бөлімшесінде жатыр. Есі жоқ, ұйқыда, динамикада емін алып жатыр. Дәрігерлердің тұрақты бақылауында, - деді облыстық аурухананың баспасөз қызметі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.