Ақтаулық оқушылар жүлделерін Түркиядағы зардап шеккендерге жіберді

Ақтау ІТ лицейінің оқушылары 9-11 сыныптар арасында жалпы білім беретін пәндер бойынша республикалық олимпиаданың қалалық кезеңінде үздік атанды, деп хабарлайды mangystaumedia.kz.

Қала мектептері арасында бірінші орынды жеңіп алған «Ең үздік Олимпиада командасы-2023» 50 мың теңгеге ие болды. Мектеп оқушылары бұл қаражатты Түркиядағы жер сілкінісінен зардап шеккендерге көмек ретінде аударуды ұйғарды.

-Олимпиадаға біздің мектептен 35 оқушы қатысты. Олар зардап шеккендерге көмектесуге шешім қабылдады. Бұл тұрғыда біз оларға қолдау көрсеттік. Қаражат аударылды, - деді Ақтау ІТ лицейі директорының дарынды балалармен жұмыс жөніндегі орынбасары Моншақ Ғайыпбаева.

Бүгін олимпиаданың облыстық кезеңі басталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.