Бүгін өңір басшысы Нұрлан Ноғаев Ақтау қаласын аралау кезінде 35 шағынауданда орналасқан 200 отбасы тұратын жатақханадағы жөндеу жұмыстарының барысымен танысты, деп хабарлайды mangystaumedia.kz сайты Маңғыстау облысы әкімінің баспасөз қызметіне сілтеме жасап.
Жатақханада 200-ге жуық отбасы тұрады, тағы 100 адам кезекте тұр. Жөндеу жұмыстарымен «Нұрлы жол» ЖШС айналысуда.
«Қазіргі уақытта біз шатырды ауыстыруды аяқтадық, негізгі инженерлік желілерді жаңарттық, сондай-ақ жаңа ойын алаңын аштық. Қосымша бейнебақылау және өрт дабылы жүйелерін орнату жоспарлануда. Біз сыртқы әрлеу жұмыстары барысында тақталарды арнайы металл конструкциялармен алмастырудамыз. Сондай - ақ қазандықтардың үздіксіз жұмыс істеуі үшін қосымша резервуарлар орнату бойынша жұмыстар көзделуде», - деді «Нұрлы жол» ЖШС өкілі.
Жөндеу жұмыстарының барысын тексергеннен кейін Нұрлан Ноғаев негізгі міндеттердің бірі жұмыстың сапалы әрі уақтылы орындалуы екенін атап өтті.
«Азаматтардың әл - ауқатын арттыру - мемлекеттің басты міндеттерінің бірі. Мұнда жөндеу жұмыстарын сапалы және уақтылы аяқтаудың маңыздылығын атап өткім келеді. Әлеуметтік жатақхананы жөндеуді белгіленген мерзімде және жоғары сапаны сақтай отырып аяқтау қажет», - деп атап өтті Нұрлан Ноғаев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
