Ақтауда ҮЕҰ өкілдері марапатталды

Өңір басшысы Нұрлан Ноғаев қоғам белсенділерін марапаттады, деп хабарлайды mangystaumedia.kz

- Бүгін Дүниежүзілік ҮЕҰ күні. Үкіметтік емес ұйымдар туралы айтар болсақ, олар – қоғам белсенділері. Олар қоғамға пайдалы еңбекпен айналыса отырып, өзге де азаматтардың белсенділігін арттыруда. Құрметті, үкіметтік емес ұйым мүшелері, сіздерді мерекелеріңізбен құттықтаймын және өңіріміздің дамуына қосқан үлестеріңіз үшін алғыс айтамын, - деді Нұрлан Ноғаев.

Бүгінгі таңда Маңғыстау облысында 700-ден астам түрлі бағыттағы үкіметтік емес ұйымдар, оның ішінде 400-ден астам қоғамдық бірлестіктер, 300-ден аса қоғамдық қорлар және 10-ға жуық заңды тұлғалар жұмыс істейді. «Азаматтық қоғамның дамуына қосқан үлесі үшін» мерекелік медалі еліміздің азаматтық секторының 20 өкіліне табыс етілді.

– Бүгін облыс басшысының марапатына ие болған сол белсенділер шынымен облыстың өркендеуі жолында еңбек етіп жүрген жандар. Олардың қажырлы еңбегі марапатқа лайық болды, – дейді «Маңғыстау облыстық тұтынушылардың құқықтарын қорғау қоғамы» қоғамдық бірлестігінің президенті Никар Рафикова.

Салтанатты шара Маңғыстаудың би ұжымдары мен өнерпаздарының қатысуымен мерекелік концертке ұласты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.