Ақтау қаласында қатты тұрмыстық қалдықтар жиналған 9 заңсыз қоқыс үйіндісі бар. Қазір аталған қоқыс үйінділерін жою жұмыстары басталды, деп хабарлайды mangystaumedia.kz алығы қала әкімдігінің баспасөз қызметіне сілтеме жасап.
- Рейд кезінде қалалық ТҮКШ қызметкерлері қоқыс жиі жиналатын орындарды тапты. Қазір біз оларды жою бойынша белсенді жұмыс жасаудамыз, - деп атап өтті ТҮКШ бөлімінің басшысы Ғалымжан Серікбаев.
Тазаланған аумақтар:
1. #5 өндірістік аймағының жаны (Рекон)
2. “Рауан” тұрғын массиві
3. #7 өндірістік аймағының жаны (Жылы жағажай, Өмірзақ ауылы, Приморский қиылысы)
4. “Приморский” тұрғын массивінің және 1-кәріз суын тазалау құрылғысының арты
5. 20 ш/а арты
6. “Мастер Дом” сауда үйінің артқы беті
7. “Кіші Оймашы” аумағы
8. “Нұр Плаза” демалыс орны
9. 34-14
ТҮКШ бөлімінің мамандары стихиялық полигонның қайта құрылуына жол бермеу бойынша жоспарлы жұмыстар жүргізіліп жатқанын атап өтті. Мысалы, тұрғындармен түсіндіру жұмыстарынан басқа, стихиялық полигондар аумағында бейнебақылау камералары орнатылады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
