Ақтауда басқа қала тұрғынын 29 миллион теңгеге алдап кеткен алаяқ ұсталды

Ақтау полициясына Тараз қаласының тұрғыны жүгінген. Ол одан алаяқтық жолмен 28 700 000 теңге алғанын, бірақ ақшаны қайтармағанын мәлімдеген, деп хабарлайды mangystaumedia.kz аймақтық Полиция департаментіне сілтеме жасап.

Жедел іздестіру іс-шараларының нәтижесінде криминалдық полиция қызметкерлері 45 жастағы күдіктінің жеке басын анықтап, ұстады. Аталған факті ҚР Қылмыстық кодексінің 190-бабы (алаяқтық) бойынша тіркелді. Басқа мәліметтер тергеу мүддесі үшін жарияланбайды.

Маңғыстау облысының полиция департаменті қала тұрғындары мен қонақтарын алаяқтық әрекеттерден сақ болуға шақырады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.