Ауған соғысының боздақтарын еске алды

Бұл туралы Түпқараған ауданы әкімдігінің баспасөз қызметі хабарлады.

Бүгін Баутин ауылында Кеңес әскерлерінің Ауғанстан жерінен шығарылуына 31 жыл толуына арналған бейбіт митинг өтті. Шара қыршын кеткен бауырларымыздың әруағына тағзым ете отырып,гүл қою рәсіміне, боздақтар рухына құран аяттарын оқып, бір минуттық үнсіздікпен еске алуға жалғасты. Елге оралмаған боздақтарымызды,елге аман - есен келсе де қазір арамызда жоқ ардагерлерімізді бір минут үнсіздікпен еске алған халық Қалмырза Берішбаев туралы естеліктер мен ауған соғысы ардагерлерінің тәрбиеге толы тағылымды әңгімелерін тыңдады.

Шара барысында сөз алған аудан әкімінің орынбасары Талғат Алтынғалиев: «Міне, бүгін осы бауырлас жауынгерлеріміздің сол кездегі ерліктерін еске алу және оны тиісінше құрмет тұту үшін жиналып отырмыз. Өкініштісі арамыздан қыршын кеткен ағаларымыздың да бар екені жүректі ауыртады. Соның ішінде жерлесіміз «Қызыл Жұлдыз» орденінің иегері Қалмырза Берішбаев та бар. Қазір аудан орталығында ел үшін өлімге бас тіккен Қ.Берішбаевтың атында көше, өзі оқыған мектебінде бұрыш, ескерткіш тақта орнатылған. Азаматқа қойылған ескерткіш те бүгінгі жастарымызға патриоттық тәрбие беріп, елін, жерін сүюге тәрбиелеп, батырларымыздың ерлігін ешуақытта ұмытпауға себепші болып отыр деп сенеміз», деді.

Маңғыстау Медиа

Редакциялық пікір мақала авторлары мен оқырмандардың пікірлерімен сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты / Мнение редакции может не совпадать с мнением авторов статей и читателей. Ответственность за достоверность изложенной в статьях и комментариях информации несут авторы.