Құрықта "Каспий" футбол клубының филиалы ашылады

©

Бұл туралы «Каспий» футбол орталығының жетекшісі Саво Ковачевич пен ҚР еңбек сіңірген жаттықтырушысы Санбаев Ануар Нұрұлаұлы ауданға келген сапарында айтты.

Қонақтарды аудан әкімі Қ. Беков және осы сала бойынша басшылар, спортшы жасөспірімдер мен жаттықтырушылар қарсы алды. Олар аудандық балалар мен жасөспірімдер спорт мектебінде жуырда ашылған шағын мұражай кабинетін, жаттығу залдары мен стадион алаңын аралап көрді.

Стадионда аудан басшысы "Каспий" футбол клубын Қазақстан Республикасының Бірінші лигасынан жүлделі болып, Қазақстан Республикасының Премьер Лигасына жолдама алуымен құттықтады. Өз кезегінде Саво Ковачевич спорт саласына жасаған қолдауы мен жетістіктері үшін алғыс ретінде, аудан басшысына пример лиганың брендтік футболкасы мен ала добын табыс етті.

Сондай-ақ футболмен жаттығып жүрген жасөспірімдерге сәттілік тілей отырып, дәл осы Құрық ауылында "Каспий" футбол клубының филиалы ашылатынын айтты.
Осыған байланысты аудан әкімі:

- Ауданымыздағы орталық стадион 2016 пайдалануға берілген. Ағымдағы жылы алаңды стандартқа сәйкестендіру жоспарланған. Онда төсенішін кеңейтіп, жарықтандыруын күшейтіп, қосымша жанкүйерлерге трибуна салынса, стадионымыз Қазақстан Республикасының Екінші лигасы ойындарын қабылдауға дайын болады, - деді.

Айта кетейік, Құрықтағы футбол алаңы аудандардағы ең жақсы стадионның бірі. Қазіргі таңда 4 спортшымыз «Каспий» футбол клубының жасөспірімдер командасында өнер көрсетіп жүр. Ауданымызда және ауылдарда ересектерден тыс жасөспірімдердің кіші футбол командалары бар.

Шынар Кендін

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.