Қарақия ауданы бойынша аудан, ауыл, ауылдық округтер әкімдерінің халық алдында есеп беру кездесулері бүгін Сенек ауылынан басталды. Бұл үрдіс 2016 жылғы 5 ақпандағы Президент Жарлығына сәйкес басталып, Ел Президенті Қасым-Жомарт Тоқаевтың Жолдауын жүзеге асыру мақсатымен жалғасуда.
21 қаңтарда Сенек ауылдық Мәдениет үйінде ауыл әкімі Бауыржан Құрмантайұлы Еркеғұловтың және аудан әкімінің 2019 жылы атқарған жұмыстары мен алға қойған мақсаттары бойынша халық алдындағы есептік кездесуі өтті. Кездесуге Қарақия ауданының әкімі Қыдырберді Беков, аудандық мәслихат хатшысы Ахмет Мееров, Маңғыстау облысы жолаушы көлігі, автомобиль жолдары басқармасы басшысының орынбасары Мейірманов Серік Жандайұлы, аудан әкімінің орынбасары Бауыржан Тұяқов және аудандық бөлім мекеме басшылары, Сенек ауылының тұрғындары қатысты. Тұрғындардың сұрағына нақты жауап беріліп, ұсыныс-пікірлер хаттамаға алынды. Жиын соңынан азаматтарға жеке сұрағы бойынша қабылдау өтті.
Айта кетейік, Сенек ауылындағы халық саны -2095. Ауылда «Сенек» ЖШС, «Жасыл Әлем Маңғыстау» ЖШС мекемесі, Жаңаөзен қаласына су айдайтын «Түйесу» бөлімшесі бар. Өткен жылы Сенек ауылы орнауының 50 жылдық мерейлі мерекесі жоғары деңгейде тойланған болатын. 2019 жылы тамыз айында «Болашаққа бағдар рухани жаңғыру» бағдарламасы аясында НКОК компаниясының демеушілігімен салынған Спорт мектебі ашылды. «AY Servise LTD» ЖШС-нің мердігерлігімен салынған тәулігіне 455,4 текше/метр су соратын резервуарлар мен су сорғылау станциясы іске қосылды. Ауылда «Ясин» 50 (елу) орындық жекеменшік балабақшасы ашылды. Бұл – ауылдағы екінші балабақша.
Ауылды толық интернетпен қамту үшін «Транс-Телеком» АҚ бөлімшесі талшықты-оптикалық интернет желісі қосылу жұмыстары жүргізіліп жатыр.
Шынар КЕНДІН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
