«Сөз бен саз» 41 сазгердің әндеріне арналған концерт өткізді

Ақтау қаласындағы Абай атындағы мәдени-демалыс кешенінде қалалық әкімдіктің қолдауымен ұйымдастырылып отырған «Маңғыстау» телеарнасындағы қазақ ақын-сазгерлерінің ән-жырларын насихаттауға арналған «Сөз бен саз» бағдарламасының 2019 жылдың ақпан және желтоқсан айлары аралығында эфирге шыққан 41 сазгердің әндеріне арналған 31,32-ән кеші қатар өтті.

Оған Батыс Қазақстан облысы, Казталов ауданы, Жалпақтал ауылынан әнші Наргиза Сүлейме­нова, Орал қаласынан әнші-­сазгерлер Шолпан Амангелдіқызы мен Ербол Ақбасов, Ақтөбе қаласынан әнші-­сазгер Аймұрат Мәжікбаев, Алматы қаласынан әнші­сазгер Қанат Елікбаев, Атырау облысынан халық­аралық «Мен қазақпын-­2» байқауының гран­-при иегері, күйші Жәнібек Жәмиевпен қоса маңғыстаулық әншілер қатысты.

Барлық қонақтарға «Сөз бен саз» бағдарламасының атынан шапан жабылып, домбыра сыйға берілді. Жар­қынбек Шынтаев, Болат Қоқаманов, Шолпан Аман­гелдіқызы, Дулат Құйқас, Құрал Қоджаев, Қуандық Мәдіров, Аңсарқожа Керімбек, Асылбек Құрманов, Ме­рей Жаңайбай, Нұрғали Зейнолла, Нұрлыбек Жулекенов, Әбілахат Есбаев, Гүлжігіт Сатыбеков, Ержан Шағыров, Ерлік Сарсенов, Мұхитден Ғаббасов, Ғұбайдолла Қибашев, Әнет Ғизатуллин, Жаскелең Ғайсағалиев, Рафхат Ізден, Жансұлу Байжанова, Баян Қабиева, Асы­лхан Бұлтанов, Жұмахансері Достанов, Әзімхан Адай, Мұхит Қалымов, Қосай Мұқашов, Шәміл Әбілтаев, Са­мат Мәдиев, Нұрталап Жүсіпов, Сәуіржан Құдайберген сияқты сазгерлердің әндері мен күйлері орындалған екі концертті көрермендер бес сағат бойы тапжылмай оты­рып тамашалап, ән тыңдады.

Ән кешінің тағы бір жаңалығы, өмірден ән кешін бере алмай, ән-­жыр дискісі мен кітабын шығара алмай өткен Маңғыстау таланттары Қыдырбай Тұрмағанбетұлы, Сағынғали Нұрғожаев, Табылды Досымов, Талғат Ат­шыбаев, Баймұрат Жолдасбаев, Берік Тілеген, Нұркен Әбекеновтерге арналған өлеңдерімен қоса еркін тақы­рыптағы жырларын жас ақындар оқыды.

Екі кеш арасындағы үзілісте ұлттық қолөнер ше­берлері мен киіс жабдықтарын жасаушылардың және ұлттық киім тігушілердің көрмесі ұйымдастырылды. Сахна қазақы нақышта сәнделіп, концертке әншілер ғана емес, көрермендердің де көпшілігі ұлттық киіммен қатысты.

Кеш ұйымдастырушысы Бердіхан Әлмен екі бірдей ән кешінің өтуіне қолдау көрсеткен Ақтау қаласының әкімі Ғалымжан Ниязовқа алғысын айта келіп, алдағы аптада Қостанай және Ақтөбе облыстарындағы саз­герлермен сұхбат жасау үшін арнайы ұшып бара жатқандығын, сонымен қатар наурыз айында Атырау қаласында Маңғыстау мен Атырау сазгерлерінің ән кешін ұйымдастыруды жоспарлап отырғанын жеткізді.

Үміт ЖӘЛЕКЕ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.