Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
2018 жылдың 21 тамызында Форт-Шевченко қаласының орталық мешітінде Құрбан айт мейрамы атап өтілді. Ұлт пен ұлысты, ағайын мен бауырды біріктіретін, өкпе мен ренішті кешіретін қасиетті Құрбан айт мейрамы сонымен қатар Сайын Шапағатов, Ақшұқыр ауылдық мешіттерінде де жоғары деңгейде тойланды.
Түпқараған аудандық «Ақкетік» орталық мешіті және ауданға қарасты аудандық «Мәдениет және спорт бөлімі» бірлесе отыра мешіт алаңы алдында мерекелік іс-шаралар өткізді.
Қаланың қайырымды жандарына құрбан шалуға жағдай жасалып, тепсе темір үзетін жастар арасында кір тасын көтеру, арқан тарту, қол күрес сайыстары бойынша жүлделі сыйлықтар табысталды. ЕНКА компаниясы мен ауыл тұрғындарынан айтқа шалынған малдар сойылып, көмекке мұқтаж 45 отбасыға құрбандық еті жіліктеп таратылды.
Құран жаттағандар велосипед ұтып алды
Ал, Ақшұқыр ауылында мерекеге жиналған балаларға секіріп жаттығуға арналған көлденең керілген тор құрылып, тегін 300 балмұздақ таратылды. Құран сабағының үздік шәкірттеріне велосипед пен доптар сыйланды. Әлеуметтік жағдайы төмен әртүрлі отбасыларға ет пен азық-түлік, балаларға оқуға арналған сөмкелер үлестірілді. Спорттық ойындар ұйымдастыру жағынан да кенде қалмады.
Еділбек ДҮЙСЕНОВ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.