Италиялық инвесторлар екі жаңа жобаны таныстырды

Италиялық инвесторлар Маңғыстау облысында жаңа жобаны іске асырғысы келеді. Олар Маңғыстау облысының басшысы Ералы Тоғжановпен кездесіп, екі жобаның таныстырылымын өткізді.

Бірінші жоба - Түпқараған ауданында «Маңғышлақ – Баутино» теміржол желілерін салу және пайдалану. Шетелдік кәсіпкерлердің айтуынша, бұл жоба арқылы жылына 2,5-28 млн тонна жүк тасымалданатын болады. Бұл өңірдің көліктік-логистикалық жүйесін дамытуға мүмкіндік береді.

Италиялықтар таныстырған екінші жоба – вагон шығаратын зауыт. «Бұл да өлке үшін экономикалық маңызы зор жоба болмақ», - дейді олар. Ералы Тоғжанов шетелдік инвесторлар ұсынған жобаларды кеңірек талқылау қажеттігін айтты.

                          Асылзат ӨСЕРҚЫЗЫ

                                                                  Суретті түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.