Ақтау тұрғындарының мемлекет алдындағы берешегі 103 миллион теңгеден асқан. Қазіргі таңда жеке тұлғаларға қарызын өтеу үшін 30 күн көлемінде уақыт берілген, деп хабарлайды деп хабарлайды mangystaumedia.kz Маңғыстау облыстық мемлекеттік кірістер департаментінің басқарма басшысы Мәдина Жақанқызына сілтеме жасап.
Жалпы Ақтау қаласында 30 мыңға жуық тұрғын салық төлемей жүргені анықталған. Егер 30 жұмыс күнінің ішінде тұрғындар қарызын толық өтемейтін болса, мемлекеттік органнан салық бұйрығы дайындалып жеке сот орындаушысына жіберілмек. Іс жеке сот орындаушысына түскеннен кейін, қарыз сомасы толық өтелгенше салықтан жалтарушының барлық шоттары бұғатталады. Сондай-ақ, жалпы қарыз сомасынан 25 пайыз көлемде жеке сот орындаушысының қызметі үшін де қаржы төлейтін болады.
«Әр жылдың 15 ақпанынан кешіктірілмей азаматтарға арналған үкімет мемлекеттік корпорациясының берген мәліметімен, азаматтардың мүлігі есептелетін болады. Соған сәйкес, атына мүлік тіркелген тұлғалар сол жылдың 1 қазанынан кешіктірмей салық төлеуі тиіс», - дейді Мәдина Жақанқызы.
Брифингке сөз алған Ақтау қалалық мемлекеттік кірістер басқармасының дара кәсіпкерлерді және жеке тұлғаларды әкімшілендіру бөлімінің басшысы Азамат Сагидуллаев өз кезегінде қандай тұлғалар мүлiк салығынан босатылатындығын айтып өтті.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
