Дауыс беру - азаматтық парыз

Алда кезектен тыс Президент сайлауы өткелі отыр. Жауапты науқан еліміз үшін сындарлы сәттің бірі. Бұл дауыс беруге әр азамат ат салысып, өз таңдауын жасауы тиіс.

Саяси таңдау жасау еліміздің ертеңгі күнін анықтайды. Дауыс беруге бару арқылы әр азамат болашақ президентті таңдауға өзінше ат салысатыны анық. Қоғамда «менің дауысым ештеңе шешпейді» деген қасаң түсінік бар. Бірақ әрқайсымыз дауыс беруге жауапкершілікпен қарасақ, бұл азаматтық қоғамның қалыптасуына қосылған айтулы үлес болады. Дамыған Еуропа елдерінде сайлауға ел азаматтарының 95 пайызы қатысады екен. Тіпті, ешбір кандидатты қолдамайтындардың өзі «Барлығына қарсымын» деген пункті таңдап, олардың үлесі белгілі бір деңгейде екенін зерттеу нәтижелері анықтаған.

Биылғы кезектен тыс Президент сайлауы «Жаңа Қазақстандағы» алғашқы сайлау. Осы орайда бұқараның науқанға қатысуы – елдің болашағына араласуы. Біз дауыс беру арқылы мемлекетіміздің дамуына тікелей әсер ете аламыз. Ел дамуының жаңа белесі үшін және болашақ үшін сайлауға қатысу әрбір қазақстандықтың азаматтық парызы.

Сондықтан барша қазақстандықтарды сайлауға қатысып, өз таңдауын жасау - әркімге жүктелген зор міндет!

Нұрбол Оқуов,
"Man`g`ystay`" телеарнасы
директорының орынбасары,
ҚР Журналистер Одағының мүшесі

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.