Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Былтыр Иран Ислам Республикасының, Қытай Халық Республикасының және Үндістан Республикасының азаматтары үшін визасыз кіру режимі енгізілді. Аталған елдердің азаматтарына Қазақстан аумағында 14 күнге дейін болуға мүмкіндік береді, деп хабарлайды mangystaumedia.kz.
2022 жылы Қазақстан Республикасының Президенті Қ. Ж. Тоқаев Иранға сапарында екі тарап та қазақ-Иран қатынастарын дамыту мүмкіндіктерін талқылаған болатын.
"Біздің еліміз әрқашан көршілерімен бейбітшілік пен келісімде өмір сүрді. Иран - ежелгі өркениеттің бесігі, сондай-ақ, Қазақстанның Ислам әлеміндегі маңызды серіктестерінің бірі. Көрнекті Фирдоуси өзінің "Шахнаме" кітабында “Иран мен Тұранды Ұлы Жібек жолында ортақ тағдыр біріктіреді” деп жазды. Қазақтың ұлы ақыны Абай Саади, Джами және Румидің шығармаларымен жақсы таныс болған, сондай-ақ, Шығыс мәдениетін сүйген. Мұның бәрі біздің байланысымыз ретінде ғасырлар бойы жалғасып келе жатқанын көрсетеді. Біз бұл ынтымақтастықты одан әрі дамытуымыз керек. Сонымен қатар, біз Каспий теңізінің жағасында тұратын достық көршілерміз, ал біздің тарихымыз, мәдениетіміз бен дәстүрлеріміз көптеген ұқсастықтарға ие. Көптеген қазақтар ашаршылықтың қиын жылдарында қонақжай Иран жерінен баспана тапты. Біз бұл үшін барлық Иран халқына әрқашан ризамыз және жадымыздан шығармаймыз", - деді Қазақстан Президенті.
Сондай-ақ, Қасым-Жомарт Тоқаев өткен жылы Қазақстан мен Иран дипломатиялық қатынастардың орнағанына 30 жыл толғанын атап өтті. Былғырғы кездесу кезінде келіссөздер нәтижесінде
Қазақстан Иран, Қытай және Үндістан азаматтары үшін визасыз кіру режимін енгізді. Ол осы елдердің азаматтарына Қазақстан аумағында 14 күнге дейін, әр кезең ішінде 180 күнтізбелік күн ішінде 42 күнтізбелік күнге дейін болуға мүмкіндік бермек.
Мұның бәрі қолайлы инвестициялық ахуал жасауға, іскерлік байланыстарды жандандыруға және еліміздің туристік әлеуетін одан әрі іске асыруға ықпал ететін болады.
Осы ретте биылғы 19 наурызда Иранның Тегеран қаласынан Ақтауға алғашқы чартерлік рейс ұшады. Ал 25 наурызда ирандық туристерімен екінші рейс ұшады деп күтілуде.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.