Қарақия ауданында тұрғындар сенбілік шарасын өткізді

Қарақия ауданында «Көшесі тазаның, көңілі таза» атты сенбілік жұмыстары жүргізілді, деп хабарлайды mangystaumedia.kz аудан әкімдігінің баспасөз қызметіне сілтеме жасап.

Сенбілікте белгіленген орындардың, әлеуметтік нысандардың, ғимараттардың маңына арнайы тазалық жұмыстары жүргізіліп, қатысушылар белсенділік танытты. Сонымен қоса, ауылішілік суағарлар қоқыстан тазартылды.

Сенбілікке ауданға қарасты мемлекеттік органдардың қызметкерлері және экологиялық қауымдастықтың өкілдері қатысты.

- «Тазалық – табалдырықтан басталады» демекші қоршаған ортаның тазалығына жауапкершілікпен қарау – әрбір азаматтың басты міндеті. Тазалықты жанына серік еткен қарақиялықтар бүгін аудан елді мекендерінде санитарлық тазарту, көркейту мақсатында ұйымдастырылған сенбілік шарасына белсене араласты, - дейді сенбілікке қатысушы.

Сенбілік аясында аудан бойынша тазалық жұмыстарына 120 адам, арнайы техникалар жұмылдырылды. Тазартылған аумақтар бойынша 60 тоннаға жуық тұрмыстық қатты қалдықтар шығарылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.