Қарақия ауданында сенбілік кезінде 50 тоннаға жуық қоқыс шығарылды, деп хабарлайды mangystaumedia.kz Қарақия ауданы әкімінің баспасөз қызметіне сілтеме жасап.
Тазалық жұмыстарына жұмылдырылған арнайы техникалар ауыл ішілік үйінді құмдарды, жиналған қоқыстарды толық тазартты.
Сенбілікке аудандағы мемлекеттік мекеме мен кәсіпорын қызметкерлері мен экологиялық қауымдастықтың өкілдерінен құралған 100 адам 50 тоннаға жуық қоқысты сыртқа шығарды. Сонымен бірге әлеуметтік нысандардың, ғимараттардың аумағы тазаланды.
«TAZA LIKE» эко мекемесінің негізін қалаушы И.Татиева қалдық қоқыстарды кәдеге жарату мақсатында ұсыныстарымен бөлісіп және жобаларды жүзеге асыру бойынша жұмыс атқаратындығын жеткізді.
Аталған шара табиғатқа деген жақсы қарым-қатынасты қалыптастыруға және санитарлық жағдайын жақсартуға бағытталып отыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
