Қарақия ауданында наурыз мерекесі қарсаңында ауданының 50 жылдығына орай дәстүрге айналған келіндер байқауы өтті, деп хабарлайды mangystaumedia.kz аудан әкімдігінің баспасөз қызметіне сілтеме жасап.
«Келіні жақсы үйдің - керегесі алтын» атауымен өткен байқауға аудан және ауылдардан қатысушы өзара бақ сынады.
Сайыстың мақсаты - ата-баба мұрасын, соның ішінде, салт-дәстүрді сақтаған, ізетті, білімді және заманымызға сай жан-жақты дамыған, болашақ ұрпаққа тәлім бере алатын, нағыз жаны сұлу қазақ келіндерін халыққа таныту болып отыр.
Аудандық байқауға осы қағидалардың бәрін жақсы меңгеріп, өмірдің сынағынан өткен абзал аналар мен арнайы мамандар төрелік етті.
- Наурыз мерекесі салт-дәстүріміз бен әдет-ғұрпымызды дәріптейтін тамаша күн. Осынау ұлы мерекенің қарсаңында қазақ келіндерінің салт-дәстүрге сай адамдық болмысын, өмір салтына жан-жақты бейімділігін үлгі ету жақсы үрдіс, - деді ұйымдастырушылар.
Сайыс нәтижесі бойынша бас жүлде Құрық ауылының келіні Жаңылсын Сағыноваға бұйырды.
1-орынды Сенек ауылының тұрғыны Сұлушаш Жоламановаға, 2-орынды Аққұдық ауылының тұрғыны Айжан Асанова, жүлделі 3-орын бостандық Әйгерім Табанбаеваға бұйырды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
