«Ақтау-Басқұдық» бағытында қатынайтын қоғамдық көліктің жүру бағыты өзгерді

№107 «Ақтау-Басқұдық-Ақтау» ауданаралық автобусының қозғалыс кестесі өзгерді, деп хабарлайды mangystaumedia.kz облыстық жолаушылар көлігі және автомобиль жолдары басқармасының баспасөз қызметіне сілтеме жасап.

«21 қазаннан бастап №107 «Ақтау-Басқұдық-Ақтау» ауданаралық автобусы 12 және 13 шағынаудандардың арасындағы жол арқылы әрі қарай Ақтау қаласының 9 және 10 шағынаудандары арасындағы жолмен төмен түсіп, одан әрі 8 және 10 шағынаудандары арқылы жүріп «Рахат» аялдамасына қосылатын болады» деді облыстық жолаушылар көлігі және автомобиль жолдары басқармасының баспасө қызметіндегілер.

Маршруттың жүру жолының қалған бөлігі сол күйінде өзгеріссіз қалады. Тұрғындарға барлық сұрақтар бойынша 31-90-70 немесе + 7 701 377 44 22 телефонына хабарласуға болады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.