Ақтау-Атырау тас жолындағы жол апатынан 4 адам қаза болды

Маңғыстау облыстық полиция департаменті 28 шілде күні Ақтау-Атырау тас жолында болған жол апатынан нақты ақпаратты хабарлады. Апат салдарынан оқиға орнында екі жүргізуші және "Lada Priora" автокөлігінің екі жолаушысы алған жарақаттарынан қаза тапты, - деп хабарлайды mangystaumedia.kz.

Сонымен қатар, екі жолаушы зардап шегіп, олар жақын маңдағы аудандық ауруханаға жеткізілген.

102 кезекші пультіне 28 шілде күні сағат 14.40 шамасында Ақтау-Бейнеу республикалық тас жолының 325 шақырымындағы жол-көлік оқиғасы туралы шақыру түскен.

"Lada Priora" автокөлігінің жүргізушісі басқару жүйесін игере алмай, қарсы бағытқа шығып, "Mercedes Benz S-320" автокөлігімен соқтығысты. Аталған дерек ҚР ҚК 345-бабы 4-бөлігі бойынша Маңғыстау ауданы ПБ СДТБТ-де тіркелді. Тергеу амалдары жүргізіліп жатыр, - делінген ведомство хабарламасында.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.