Ақтауда жаңбыр суынан тазалау жалғасуда

Ақтау қаласында коммуналдық сала қызметкерлері көшелерден 36 154 м3 жаңбыр суын шығарды, деп хабарлайды, mangystaumedia.kz қала әкімдігінің баспасөз қызметіне сілтеме жасап.

Ауқымды жұмыс сағат 16:00-ден 18:00 аралығында жүргізілді. «Қала жолдары» ЖШС қызметкерлері күндізгі кезекшілік уақытында 17-шағынаудандағы «Халық Арена» спорт кешенінің жанындағы, Маңғыстау облысы әкімдігінің ауданындағы, энергетикалық колледждің жанындағы автожолдарда, сондай-ақ «Каспиан Ривьера» қонақ үйінің, «Ер Қосай» сауда үйінің, «Мағаш» базарының және басқа да жерлерде жиналған суды шығарды.

- Жүзден астам жол жұмысшы, сондай-ақ мотопомпалар, тиегіштер, самосвалдар, тракторлар және т.б арнайы техника жұмылдырылды. Қазіргі уақытта 36 154 м3 су сорылды, - дейді Ақтау қалалық әкімдігі өкілдері.

Сондай-ақ, қала бойынша жолдарды ірі қоқыстардан, жол жиектеріне тазалау жұмыстары жүргізіліп, 58 м3 қоқыс шығарылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.