Қайтқан малда қайыр бар: Маңғыстауда жоғалған түйені "Жүздік"-ке тиеп әкелді

Маңғыстаулық малшының бес айдан бері хабары шықпаған екі түйесін тапқан сәтіндегі бейнежазба жарияланды, деп хабарлайды mangystaumedia.kz.

Онда жол талғамайтын көліктің артқы жүк салғышына екі түйені тиеп алғаны көрінеді. Оның сөзінше, жоғалған жануарды іздеп, 5 айдан бері сұрамаған адамы, көздемеген төбесі қалмаған. Ақыры түйелерді хабаршылар арқылы тауыпты.

— Ести сала келсем, балшық-балшық болып жатыр екеуі. Аздап күйі кеткен екен, бірақ бойы өскен. Үстін жуғаннан кейін табырасынан танып, көлікке тиеп алдым. Көлік деген не ол, мынадай малың тұрғанда,
— дейді ол.

Айта кетейік, қазіргі күні Маңғыстауда түйенің бағасы да біршама, 600-700 мыңнан арзанға табу қиындау.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.